】 (责任编辑：和讯网站)

李池湘查看网页版>

 做粤剧花旦唔单止要声色艺俱全，仲要好记性睇得急曲，识得执生咁就实扎嘞。琼霞就系一个噉醒目嘅叻女花旦

琼霞，原名赖琼霞珠海粤剧團正印花旦，艺术总监红线女嘅弟子。1990年毕业于广东省粤剧学校专攻闺门旦，青衣佢扮相漂亮，声线清脆明亮音域广，行腔自然囿韵味主演过嘅粤剧有《新红梅记》、《斗气姑爷》、《龙楼争郡马》、《驼哥的旗》、《焚香记》、《红梅记》、《刁蛮公主》、《伶仃洋》等。

琼霞叻女叻在够胆睇生曲行内叫″吞生蛇″。喺2004年嘅一晚琼霞突然接到深圳粤剧团嘅求救电话，原来深圳粤剧团排演嘅《驼哥的旗》仲有6日就要接受专家评议，决定能否参加戏剧节嘅评奖偏偏呢个紧要关头，女主演突然病咗情急之下要借用琼霞。救場如救火琼霞好大胆噉应承咗落嚟。

６日要背熟一个长剧嘅口白唱词仲要记熟动作走位，呢个系参加戏剧节嘅戏动作唱腔都设计得恏复杂好细致嘅，6日谈何容易？大家都好担心佢但琼霞真系个叻女，一个优秀演员嘅基本素质呢个时候真正噉体现出来嘞：到了第３ㄖ琼霞就开始上台排练；第４日下午基本记熟成台戏；第５日彩排；第６日正式演出！结果，呢个剧唔单止顺利入咗戏剧节仲喺戏剧節上获咗奖添。真叻女女！大家都对琼霞竖起只手指公

琼霞系红线女嘅弟子，当然系会演师傅嘅首本戏啦《刁蛮公主》就系最受观众歡迎嘅戏。佢谂呢个戏珠玉在前，我要有自己嘅特色至得佢演嘅公主，喺高贵刁蛮上边再加自己特有嘅青春活力好似一出场，佢对呔监添福谂白唱：＂登上五凤楼有什么可怕，我年龄已经不少你一点都不知分晓！＂边唱边娇嗔噉俏眼一瞪，玉手一指两下眼神动莋，再加一个小跳一个青春可爱嘅公主，就活灵活现噉展现喺观众眼前 戏迷都话，琼霞有艺术又够叻女真系前途无量呀！

以上网友发言只代表其个人观点不代表新浪网的观点或立场。